طيفك في بالي

آه من عيونـه يـامحـلاه عيون الـمطر و الربيـع

أرتجف لـو بـس ألقـاه و أنسى مكاني وأضيـع

وأسـرح و أهيم بسمـاه و يجيني احساس فضيـع

والله اني أتعب لو بس أشوفـه وان شفته يروح تفكيري لبعيـد

ياما حلمت اني أضمه وأبوسـه والله يستر من احساسي الجديـد

آه بس من لـون عيونـه أمـوت أنا بهالعيــون

ويلي من رمـش عيونـه صرت بعيونه مجنــون

و ينادونـي مـجنونـه و يسمّونـي المفتــون

والله مدري ليه أعشق وصوفه وليه عيونه تخلي اعجابي يزيـد

وليه لو شفته أذوب في خدوده شكلي أعشقه بالمختصر المفيـد

آه ياعيونـه والله أهـواه عيونه مثل لون السمـا

مافيـه عيـب ولاجـاه و اللي ماشافه انعمــا

آه ياعيونـه كلي فـداه عيونه مثل عيون المهـا

أحبك حب ماعمري حبيته أحبك حب ماعمرك تحبينه

أحبك حب ماعمري عطيته أحبك حب ماعمرك تعطينه

أحب عيونك وطول رموشـك

أحب خدودك وأحمر شفاتـك

أحبك حب ماعمري لقيته أحبك حب ماعمرك تلقينه

أحبك حب بحياتـي شريته أحبك حب بروحك تشرينه

أحب جسمك وجمال خصـرك

أحب شعرك الين آخر ظهـرك

أحب أسمعك يوم تنادينـي وين ماتروحي راح تلقينـي

ياعسى تحبيني وتموتي فينـي ياعسى تشبعي من حنينـي

أحب كل شي ساكن جمالـك

أحب كل شي يوصف دلالـك

أحب دفاكِ يـوم تحضنينـي أذوب فيكِ لو تطالعينـي

أروح فيها لو بس تضمينـي أنسى اسمي لو بس تبوسينـي

أنا شايف بعيني حبي يجـري في دمك وشايف اسمي كيف ينـبض في قلبك

أنا عشقك وأنا فرحك و شايل همك أصلا حياتي ماتحـلا الا وأنا بقربك

أنا العاشق الولهان في حـروف اسمك أنا المتيم الغرقان فـي جنـون حبك

أنا المغرم العطشان وأشتـاق أضمك أنا أديب اللي أفديك بروحي وربك

أدمنتك و صرت في كل مكان أشمك وين ماتـروح راح تلقاني في دربك

وأدري مافي غيري بهالدنيـا يهمك لأني شايف اسمي ينبـض في قلبك

حاطه يـدّهـا على خـدّهـا بغـرور تناظـر وبنص عيـن

منغرّه بحلاها ميـن قدّهــا معاهـا حق تنغر بهالزيــن



فكـرت ألتمس مـن ودّهـا قلت أبـي أسألهـا سؤاليـن

مشيت وأسئلتـي أردّدهــا عشان مـابي أنحرج بعديـن



ويوم شفتهـا ذبت في خدّهـا ليـن راح سؤالي مدري ويـن

دخت منها يلعـن أبو جدّهـا وقلت والله انـك تـهبليـن



أنـا ارتبكت وخوفي شدّهـا لا وما سكت قلتهـا مرتيـن

وقتها ارتجفت وخفت صدّهـا انحـرجت وموقفي صار شيـن



أنا مدري ليه رحت عندهــا وليه أنــا نسيت السؤاليـن

ومدري ليه ماجاني ردّهــا وليه أنـا بس قلت كلمتيـن



ليه على الإحراج أحِدّهــا أنا الحيـن أودّي وجهي ويـن

بسرعه قبل لا توصل حدّهـا خلينـي أعتـذر لها الحيـن



وأقولّـهـا اني مـا أقصدهـا ويخـلق مـن الشبه أربعيـن

وحسبي الله عـلـى خدّهــا وحسبي الله علـى السؤاليـن

تعبت من البعد وتعبتني غربتـي طول السنه أنتظر العيد بلهفتـي

متى يجي العيد و تتحقق منيتـي وأحتفل أنا و حبيبي من جديـد



العيد قرّب ياويلي و يافرحتـي وحبيبي بلهفه ينتظـر رجعتـي

ومشتاق بالحيل لحرارة ضمتـي ياهنا قلبي وفرحتي بليالي العيـد



لما أشوفـه أرتجف من حيرتـي ومن قوة فرحتي تمطـر دمعتـي

يتلخبط كلامي وأنسى جملتـي لو كنت ما أريد أقـول أريـد



يوم أشوفه أصرخ من فرحتـي أنسى كل الكلام من وحشتـي

وما أقول غير وحشتني يادنيتـي وعيد مبارك بالخير عليك يزيـد



الكل يسمع عن عشقي ومحبتـي الكل يسمع صوتي و صرختـي

مادروا من فرحتي والا صدمتـي من جنوني والله صرختي ماتفيـد

أنت حلمي يامزيّن كل أحلامي أنت الحلم اللي أشوفه في منامي

أنت حلمي و اللي يشفي آلامي أنت حلمي ياللي أنا ذايب فيك



ياليتك تصدق من متى أهـواك ياليت بس أعرف وين ألـقاك

اللي أعرف اني عايش بدنيـاك واني هايم فيك و أحلـم أجيك



مدري اشلون أبين لك احساسي مدري اشلون يا أعـز نــاسي

حبك تاج أشيلـه على راسـي أفديك عمري و بحناني أرويـك



حاولت بس فشلت كل المحاولات غامرت وياخوفي مـن المغامرات

عساك بس تحس بهذي الكلمات حس فيني وبشوقي اللي يناديـك



يمكن ينكتب لي أنا و أنت نصيب وأعيش العمر وأنت معـي قريب

وأكون حبيبك و تكون لي حبيب وتفديني بعمرك وبروحي أفديـك

حطيتك في راسي و حلفت أجيبك وأنا اذا حلفت محـدٍ يعارضنـي

راح أشرب هواك و بصير حبيبـك غصباً عليك راح أخليك تعشقنـي

راح أصير دكتورك و بصير طبيبـك وراح أضمك لين صدرك يحرقنـي

وبالعربي كذا أنـا من نصيبــك ولو مو عاجبك بصراحه عاجبنـي

باختصار أنا من نصيبك و بيصيبـك وغير كـذا مافي شي أبد يقنعنـي

والله راح أجيبك يعني راح أجيبـك هذا تحدي وأتحدى انـك تغلبنـي

واثق من نفسي و أدري أنا بطيبـك وأنا راح أخليك تجي وتصارحنـي

حاسس بحبك و أدري بغلاي أنت مو مقصر في شي معاي

أدري ما تبي تعيش الا بدنياي و أدري مستحيل تعيش بلياي

ما عمرك فيوم رديت خطاي ولا عمرك زعلت من جفاي

ما أنـام الا و تطلب رضاي وما أصحى الا وتقول ياهناي

ساكن خيالي وساكن بذكراي ساكنٍ فينـي و تتنفس هواي

حبك والله هو شفاي ودواي حبك بدنيـاي أرضي و سماي

لوكرهتني يـاويلـي وبلواي ولو تركتني يتحطم كل مناي

مشاعـري تجاهـك أكيـده تبي تعـرف وايـش الدليـل

ألّفت في عيونـك قصيـده والله العظـيم يــا جميـل



الحيـن كاتبهــا جديـده وهــذا هو اثبات للدليـل

أولاً فيك ميـزات عديـده ثانياً المـدح فيـك قليـل



عجبني فيك حاجه وحيـده انك بصراحـه مالك مثيـل

آمر تدلـل باللـي تريـده أنت تستحـق كل التدليـل



يافرحـة قلبـي ويا عيـده أنا وربي أحبـك بالحيــل

حبي ما انخلـق من يبيـده لأن حبـي ثـابت مايميـل



المسافــه بيننـا بعيـده لكن بعدي عنك مستحيـل

وشوقـي لك الله يزيـده ويزيد شوقك صبح و ليـل



حبـك في دمـي ووريـده مجنونـك و أحبك بالحيـل

لـو علي حبك راح أعيـده لأنـك دوا للقلب العليـل



و لو صارت حالتي شديـده راح أصبـر على الويـل

كل ذا أنا اللي مستفيـده تدري ليه ؟ عشانك جميـل



أهدي عيونك هالقصيـده فيها مشاعـر مثل السيـل

وهذي المشاعـر أكيـده و هذا هو اثبـات للدليـل

هي تحبني من قلبها وأحبها بكل مافيني

تحبني ومحلى حبها وماتبي غير ترضيني

ماتفكر تعصينـي أبــد

ولا تبيني أكلـم أحــد

يعجبها جنونـي

وتعذبها عيونـي

وياويلي عليها لما تـذوب

أتولع فيها وأبد ماأتـوب

يـاويـلـي ويــلاه



ان قلت اني أحبها تقولها هي كمان

وان حكيت معها أحس اني غرقان

وان صديت عنها ما أحس بالأمان



تحبني وأحبها مـــوت حب مو معقول

وودي بأعلى صــوت أصرخ و أقول

أحبك وهالكلمة صارت ماتفيـد

وماتعبر عن الحب اللي فالوريـد

حبك في قلبي وصفه مستحيل

يعني بالعـربي لغيرك مـايميل

أحبه ومو مصدقني .. كلمات د. أديب بازهيـر

ياناس أحبه وهو مو مصدقني كل ما أقول اني أحبه يكذبني

مدري غرور والا يبي يعذبني مايدري اني عايش بس عشانه

والله اني أتعب لو شفته قبالـي

يتلخبط كلامي وأنسى حالـي

أنا وروح روحي وقلبي فداله لو يبي بعد أكثر قولو له جاله

يامرني أمر بس أكون في باله قولوا له يصدقني تكفون أمانه

أحبه وليته يصدق كل كلامـي

أحبه وليته يحس شوي بآلامـي

ياناس قولوا له بحالي تكفون قولوا له اني ميت فيه بجنون

قولوا له كفايه شك وظنون عهدٍ علي أحبه بدون خيانه

توه اتصل علي حبيبي ويعاتبنـي زعلان ويقـول ليه ماتتصل فينـي

استحيت منه و حسيته أحرجنـي وقلت له هالأيام مشغول ياعينـي



و عندي بعد اختبارات وسامحنـي و يادوب الوقت بالقوه يكفينـي

قدر ظروفي وأرجـوك اعذرنـي والله عالبال وبدمّـي و شرايينـي



أنا مقصر معاك و لا تزعل منـي ودي أجيك لكن مـو بايدينـي

وكان نفسي أصـرخ ويسمعنـي وأقوله وحشتني و بعدك مشقينـي



و أقول مشتاقلك و بعدك ذبحنـي و أبي صدرك يضمنـي ويدفينـي

بس ماقلت له غير بعدين كلمنـي لأن صاحبي كان قاعد على يمينـي



ومن يوم قفّـل السمـاعه عنـي وأنا ضايع والله مـا أدري وينـي

نغمات صوته في أذنـي تغنـي صوته ذوبني دوخني زود حنينـي



ياخوفي يكون زعل وبيخاصمنـي والا أخذ بخاطره وزعل ومايبينـي

لا لا حبيبـي وماخاب فيه ظنـي مايزعل وأكيـد بيتصل و يجينـي

أحبهـا وميـت فيـهـا الله يخليها ومايكفـي لو أكتب فيهـا قصيده

اشلـون أبوصف لكـم اني أهواها وكيف أحتفل بالعيـد وأنـا واياها



أصلا عيـد الحب هو يحتفـل فيها هي عيدي وحفلتي وسنتـي الجديده

قالت في هاليـوم كلمـه ما أنساها كلمه من أربـع حـروف يامحلاها



أموت وأحيـا وأموت وأحيا فيـها لما تقولها معرف أقول جملـه مفيده

ويضيع تفكيري في هالكلمه وصداها وأنسى الدنيا و أتذكر حبها و غلاها



حبيبتي و روحي و عمري أبي أناديها وأبي عيد الحب يعترف انها هي عيده

أفتخـر في حبهـا ولا أحب سواها ومستحيل أعيش في هالدنيـا بلياها



اليوم عيـد الحب وأنـا لازم أجيها والله لأجيهـا حتى لو المسافه بعيده

اليوم عيـد الحب وأنا بجلس معاها أتنفس أنفاسهـا وأذوب في دفاها



أبي العالـم كلـه يعرف اني أبيها أحبهـا وتحبنـي وحبنا الله يزيده

فديت لـون عيونها و أحمـر شفاها سبحانـه أبدع يوم خلقها وسواها



يا ناس أحبها بجنـون وأموت عليها واثق من احساسي ومشاعري أكيده

مغروره ومن حقها تنغـر في حلاها وأفتخر بغرورها مادمت أنا أهـواها

قلي و ايش رايـك يا مجنونـي قلت وأنا رجال عند كلمتـي

قلت بخليـك مجنون بعيونـي بخليك تدمن على دفا بوستـي



قلت لك كل الناس بينسونـي الا انت ما تقدر على فرقتـي

قلت لك لو أشواقي عذبونـي انت الوحيد بتمسح دمعتـي



قلت لك لو كل الناس يجونـي أخليهم وأجي أرويك ضمتـي

أنت روحي وحياتي وشجونـي أنت بالنسبه لي نوري وشمعتـي



أنا بدونك أضيع و ما يلقونـي أنت باختصار كل مافي دنيتـي

تعال أحطك برموشي وجفونـي تعال شوف صورك في غرفتـي



تعال و قلي رأيك يا مفتونـي هذي بوستي في قفـا صورتـي

تعال وناظـر في وسط عيونـي تلاقي نفسك متربع في مقلتـي



أحبك قلتها لك وتدمع عيونـي أنت بـهالدنيا حلمي ومنيتـي

عساهم من شوفتك مايحرمونـي وعسى الله ما يحرمك شوفتـي

أبي أكتب كلام وراسي على صدرك أضمك وأشمـك

أبي أقول كلام وراسي على صدرك أعشقك وأحبـك



ضمني حيل لصدرك واحكي لي حكايات خلني على صدرك أوزن الشطور والأبيات

خلني على صدرك أرسم أروع العبارات خلني على صدرك أعيش أحلى اللحظات

وراسي على صدرك ..

و أنا على صدرك حسيت بالهنا تصدق نسيت من أنت ومن أنا

ضمني حيل لصدرك نسيني العنا ضمني حيل لصدرك نسيني الونا



وراسي على صدرك ..

أبي أسمع نبضك وأبي أحس بالأمان

أبي تسقيني وترويني أنواع الحنان

وراسي على صدرك ..

كل شي في دنيتي من حبك هان

وراسي على صدرك ..

أهمس لك وأغني لك أحلى دان

وراسي على صدرك ..

أبي بحنانك تسقيني .. أبي من عطفك ترويني

أبي لصدرك تضمني .. وغير كذا أبد مايهمني



.. أحلى لحظات الحب يوم أضمك .. وراسي على صدرك ..

تتلاقى الأحضان وينقال أحلى الكــلام

ننسـى الأحزان ونعيش لحظات الغــرام



أنام طول الليل على حضنك وأصحى آخر الليل أبي صدرك

وبلهفتي أقول لك ماكفاني حضنك ضمني حيل حيل لصدرك

.. وراسي على صدرك ..

ايش الدنيا بدونك قلـي وربـك أنا بدونك أتوه و لا أدري وينـي

ايش الدنيا يادنيتي بدون حضنـك حضنك الـدافي من دفاه يدفينـي



ايش الدنيا يادنيتي بـدون حبـك حبك المجنـون بجنـونه يضيعنـي

ايش عمري ياعمـري بلا قلبـك قلبك الغالـي بغـلاه محتوينـي



ايش الدنيا بدونك قلـي بربـك أنا بدونك أشـوف الموت بعينـي

توحشني بجنون ويوحشني حسنـك أشتـاقلك وشوقي لك يكوينـي

أنـا قلت اني لقيت غيرك ونسيتك

كمان قلت اني حبيت غيرك مليون

و قلت خلاص أنا بعتك وماشريتك

والشعـراء يقولـون مالا يفعلون

لا تصدقني لو قلت في يوم نسيتك

أنا والله ما نسيتك و لاهـم يحزنون

ما نسيتك لكن أعترف اني جفيتك

جفيتك و جرحتك لأني فيك مجنون

سويت كذا عشان تحس اني هويتك

والظاهر اني زودتها و صـرت أمون

الكل يحسب اني كرهتك و نسيتك

و أنا توي بـديت بحبك و مايدرون

أنا فتحت عينـي في الدنيا ولقيتك

و الحب الوحيد في حياتي ما يهون

أكيد مستغرب ليه أنا اليوم جيتك

لا تستغـرب وأحسن فيني الظنون

يالله عـاد اضحك وابتسم فديتك

أنا وقلـبي وكلـي فدوه لهالعيون

أنا أعتقـد بذي القصيده راضيتك

عشان تعرف ايش كثر قلبي حنون

بس لاتنسـى اني قلت اني حبيتك

و الشعـراء يقولـون مالا يفعلون

يعني يمكن اني كرهتـك و نسيتك

ويمكن مـاحبيتك ولا هم يحزنون

ماخابت فيك ظنوني والله أعشقك يافتوني



أعشقك ياحليلك ويازينـك

وعلى جنون حبي الله يعينـك



كتبت فيك أشعار وأهديت لك أزهار

أغازلك ليل ونهار أنا أحبك باختصار



معليش تحمل جنوني طلبتـك

والله العظيم ياحياتي عشقتـك



حبك غالـي علي تحمل جنوني شوي

خذ مني كل شي بس تحملني شوي

اليـوم حسيت بشي عجيب حاسس بإحساس مره غريب

حسيت انه بيكون لي حبيب ايوا الله هذا احساسي الجديد



لما أشوفه مدري ايش يصير أحس بألم في صدري خطير

وأرتجف ويروح فيني التفكير شكله احساس بالحب أكيد



.. ياويلي من احساسي الجديد ..



صرت دايم أفكر فيه ياويلي وأهيم بغرامه بنهاري وليلي

يافرحتي وياحظي وياحليلي أنا من احساسي والله سعيد



طز في الطب وطز في الكليه الحب ماهو عيب ولا خطيه

بالعكس الحب دفعه معنويه حتى التركيز فالدراسه يزيد

.. يافرحتي باحساسي الجديد ..

هذا احساسي الجديد والمثير واحساسي راح يحدد المصير

انشالله يكون حب فيه خير و حياتنا تكون عيد في عيد



يامحلى العشق يا محلى الحب يا محلى الجامعه يامحلى الطب

كل شي بالدنيا صار ينحب والـطب بدون حب ما يفيد

حبيت النـوم على صـدرك من دفاه يهيـج احساسـي

أدمنت شفـاتك وخصـرك أنفاسك تروي أنفاســي

لك بقلبي محبـه ومعـزه ومـوده أنت روحي وروحي ماتغلى عليك

حضنك فراشي و صدرك المخـده أبي أعيش حياتي كلهـا بين ايديك

طلبتك أبي حضنك طلبي لا تـرده ضمني حيل لصـدرك الله يخليك

وعطني بوسه شوقي وصل حـده بوسه منك تخلينـي مجنـون فيك

أحتاجك أرجوك بابك لا تسـده أحبك وحب الكون كله مايكفيك



آمرني كلي فـدوه لعمـرك انت اهلي وربعـي وناسـي

آمرني حبيبـي تحت أمـرك أنت روحي وتـاج راسـي

أنـا معجب فيك من سنيـن و زاد اعجابـي الين حبيـت

الحب يجـي من رب العالميـن واليـوم لقيت نفسي هويـت

صح اني لقيـت مليون زيـن بس والله مثلك ماقد مالقيـت

تعجبني كامل يحفظك مالعيـن مافيك عيب ولا فيه حسيـت

حتى لو لقـيت شـيٍ شيـن ألقى اني أحبه و أنا مادريـت

ودي أضمك بشوق و حنيـن وأشمك الين تقـول حنيـت

والله حالتـي حالـه يازيـن أحلمك وأتخيلك اذا صحيـت

آه وينـك عنـي بس ويـن الظاهر انـي بحبك انجنيـت

ياويلي ومن حالي ربي يعيـن وليتك تحس فينـي ياليـت

ياويلي ومن حالي ربي يعيـن وليتك تحس فينـي ياليـت

ياويلي ومن حالي ربي يعيـن وليتك تحس فينـي ياليـت

ياويلي ومن حالي ربي يعيـن وليتك تحس فينـي ياليـت

ياويلي ومن حالي ربي يعيـن وليتك تحس فينـي ياليـت